Xususan, O‘zbekiston Savdo-sanoat palatasi tomonidan "TOBB" Turkiya savdo va tovar-xomashyo birjalari ittifoqi qoshida Turkiya iqtisodiyot va texnologiyalar universiteti Toshkent filialini ochish bo‘yicha memorandum imzolandi. Ta’kidlash joizki, universitet filialini ochish tashabbusi O‘zbekiston tomoni tomonidan 2019-yil oktyabr oyida Toshkent shahrida bo‘lib o‘tgan Turkiy tilli davlatlar Ishbilarmonlar kengashi muzokaralari chog‘ida ilgari surilgan edi. O‘zbekiston Savdo-sanoat palatasi raisi Adham Ikromovning Turkiyaga tashrifi doirasida Turkiya Iqtisodiyot va texnologiyalar universiteti (TOBB) prorektori Yusuf Sarinay bilan uchrashuv bo‘lib o‘tdi, unda tomonlar bakalavriat ta’limi, xususan, tadbirkorlik, raqamli tijorat, dual ta’lim tizimiga asoslangan korporativ huquq sohalarida istiqbolli hamkorlik masalalarini muhokama qildilar. 

Filial O‘zbekiston Respublikasi Vazirlar Mahkamasining 2020-yil 17-iyundagi 389-sonli qaroriga asosan tashkil etilgan. Bu tadbirkorlar va yuqori texnologiyalar bo‘yicha mutaxassislarni tayyorlashga ixtisoslashgan innovatsion universitetdir. Universitet “Universitet-sanoat” modeli asosida faoliyat yuritadi. Bizning asosiy qadriyatimiz – bilimlarni amaliyotda qo‘llashdir. Talabalar “Co-op” (Kooperativ ta’lim) tizimi bo‘yicha tahsil oladi: o‘quv semestrlari turli kompaniyalardagi to‘liq stavkali, haq to‘lanadigan amaliyotlar bilan almashinib turadi. TOBB Iqtisodiyot va texnologiyalar universitetining Toshkent filiali O‘zbekiston Respublikasi va Turkiya Respublikasi o‘rtasidagi kelishuvlar doirasida tashkil etilgan. Universitet tadbirkorlik va raqamli iqtisodiyot sohalarini rivojlantirishga qodir xalqaro darajadagi mutaxassislarni tayyorlashga yo‘naltirilgan innovatsion ta’lim platformasi vazifasini o‘taydi